PRESS RELEASE

PRESS RELEASE (41)

Chama cha Wanahabari Wanawake TAMWA, kimeandaa mafunzo ya siku mbili yatakayofanyika kuanzia leo tarehe 13 na 14 Aprili, 2016 yenye lengo la kuwajengea uwezo waandishi wa habari na kamati zinazoshughulikia masuala ya ukatili wa kijinsia ili kuongeza uelewa wa kuvitolea taarifa vitendo hivyo.   Mafunzo hayo ya kamati na waadishi wa habari yatafanyika wilaya katika ya Mvomero mkoani Morogoro, wilaya ya Ilala mkoani Dar es Salaam, na wilaya Ruangwa mkoani Lindi zikiwa ni miongoni mwa wilaya 10 za Tanzania Bara na Visiwani, ambazo kwa kushirikiana na TAMWA zinatekeleza mradi wa Kujenga, Kuimarisha Usawa wa Kijinsia, na Kutokomeza Ukatili dhidi ya Wanawake na Watoto hapa nchini (GEWE II).   Tangu mwaka 2012, TAMWA kwa kushirikiana na wadau mbalimbali wa kupinga ukatili wa kijinsia na kutetea haki za binadamu hasa wanawake na watoto, kiliunda kamati za kushughulikia ukatili wa kijinsia kuanzia ngazi ya vijiji hadi kata katika Wilaya 10 za Tanzania Bara na Visiwani.   Aidha, TAMWA katika utekelezaji wa mradi wa GEWE II kupitia Kamati za kushughulikia ukatili wa kijinsia, kwa kushirikiana na vyombo vya habari, watu wamekuwa wakivitolea taarifa vitendo hivyo, vikiandikwa na kutangazwa kwenye vyombo mbalimbali vya habari kutoka asilimia 56.9 kwa mwaka 2012 kabla ya kuanza kwa mradi mpaka asilimia 69.2 mwaka 2014 baada ya utekelezaji wa mradi.   Jumla ya watoa habari 120, wasaidizi wa sheria 120 na waragibishi 120, polisi, Viongozi wa dini, afya walipewa mafunzo jinsi ya kushughulikia ukatili wa kijinsia na wanaendelea na zoezi la kuratibu shughuli hizo katika ngazi za vijiji hadi kata.   GEWE II ni Mradi unaotekelezwa na TAMWA ambao ulianzishwa kwa lengo la kujenga, kuimarisha usawa wa kijinsia, na kutokomeza ukatili dhidi ya wanawake na watoto hapa nchini katika wilaya kumi za Tanzania bara na Visiwani zikiwemo Wete (Pemba Kasikazini), Unguja Mjini Magharibi (Unguja Magharibi), Unguja Kusini, Kisarawe (Pwani), Newala (Mtwara), Mvomero (Morogoro), Lindi vijijini na Ruangwa (Lindi), Kinondoni na Ilala Dar es Salaam       Edda Sanga Mkurugenzi Mtendaji
Chama cha Wanahabari Wanawake Tanzania –TAMWA kimepokea kwa masikitiko msiba wa mwanachama wake na mwanahabari mahiri, mkongwe Sarah Dumba ambaye amefariki dunia ghafla usiku wa kuamkia leo akiwa wilayani Njombe mkoani Njombe.   TAMWA inaungana na familia ya marehemu Sara Dumba, Serikali, wanahabari na Watanzania wote kwa ujumla katika  kuombeleza kifo hicho kwani ameacha pengo kubwa kwenye taasisi ya wanahabari hasa wanawake na taifa kwa ujumla kutokana na kuwa alifanya kazi zake kwa umakini na weledi wa kuigwa.   Sara Dumba amewahi kuwa mtangazaji wa Radio Tanzania Dar es Salaam- (RTD), Taasisi ya Utangazaji Tanzania (TUT) ambayo kwa sasa inajulikana kama Shirika la Utangazaji Tanzania (TBC), alivuma katika kipindi cha Majira na vipindi vingine vingi. Mwaka 1998 aliteuliwa kuwa mwakilishi wa Mkurugenzi wa Radio Tanzania mkoani Morogoro na baadaye kuhamishiwa Dodoma. Mwaka 2006 Bi Sara aliteuliwa na Rais wa awamu ya nne kuwa Mkuu wa Wilaya ya Kilindi mkoani Tanga na baadaye alihamishiwa Wilayani Njombe mpaka umauti unamkuta.   Aidha Marehemu Sara Dumba kitaaluma alisomea mafunzo ya Utangazaji  huko Cairo, Misri, pia alipata mafunzo kutoka chuo cha Diplomasia kurasini nchini Tanzania. TAMWA inautambua na  kuuenzi mchango mkubwa wa  marehemu Sarah Dumba hasa  katika  kuhakikisha taasisi ya wanahabari wanawake inafanya tafiti mbalimbali za kihabari kwa kushirikiana na waandishi wa vyombo vyote nchini na kuchapisha ama kutangaza habari zenye kuelimisha na kuhamasisha umma katika kukomesha vitendo vya unyanyasaji na ukiukwaji wa haki za binadamu hasa kwa wanawake na watoto nchini.   Hakika kifo cha Sara Dumba ni pengo kubwa kwa TAMWA, tasnia ya habari, Jamii na taifa kwa ujumla na tunaamini kuwa kazi  nzuri alizozifanya marehemu Sarah na mema yote aliyotenda sehemu mbalimbali vitaendelea kukumbukwa daima. Mungu ailaze kwa amani mahali pema peponi roho ya marehemu Bi Sarah Dumba na kuwatia nguvu na roho ya subira wote walioguswa na msiba huu. AMINA     Edda Sanga Mkurugenzi Mtendaji
Utafiti umebaini kuwa ukeketaji na ndoa za  utotoni bado unaendelea nchini licha ya juhudi zinazofanywa na taasisi mbalimbali za haki za binadamu zikishirikiana na kiserikali .   Novemba mwaka 2015, Chama cha waandishi wa habari wanawake  Tanzania– TAMWA  kwa kushirikiana na Shirika la Umoja wa Mataifa linaloshughuliakia idadi ya watu Duniani (UNFPA) kilifanya utafiti wa kihabari wenye lengo la kutathmini hali ya ukatili wa kijinsia kwa kuangalia zaidi  ndoa za utotoni  na ukeketaji kutoka mikoa 13 ya Tanzania Bara na Zanziba. Mikoa hiyo ni Dodoma, Morogoro, Mara, Singida, Shinyanga, Pwani, Dar es Salaam, Arusha, Tabora, Mwanza ,Manyara, Unguja na Pemba.   Takwimu za utafiti zimebaini kuwa kuanzia Januari hadi Oktoba 2015 katika Wilaya ya  Kondoa asilimia 39.9 ya wanawake wajawazito walifanyiwa ukeketaji. Katika Wilaya ya Tarime kesi 118 za ubakaji ziliripotiwa Mahakamani, wakati Pemba wasichana wadogo  240 walipata mimba mwaka 2015. Katika Wilaya ya Mkalama wanawake 2,265 ambao walijifungua katika vituo vya matibabu 115 walifanyiwa ukeketaji. Aidha katika Kata ya Msalala Wilayani Kahama wasichana 605 ambao ni sawa na asilimia 47.47 kati ya 1,150 hawakumaliza shule za sekondari kwa sababu ya Ndoa ya utotoni. Aidha  katika wilaya ya Bagamoyo wasichana 12 wa shule waliripotiwa kupata mimba ndani ya miezi sita kuanzia Januari hadi Juni 2015.

OUR YOUTUBE VIDEOS

Events - Calendar

November 2017
Mon Tue Wed Thu Fri Sat Sun
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

FOLLOW US ON FACEBOOK

JoomShaper