TAMWA

TAMWA

Email: This email address is being protected from spambots. You need JavaScript enabled to view it.

TAMWA YAMPONGEZA JPM KUKEMEA MIMBA KWA WANAFUNZI

Chama cha Wanahabari Wanawake Tanzania (TAMWA) kinampongeza  Rais John Magufuli kwa kuzungumza kwa uwazi na kukemea  suala  la ongezeko la mimba kwa wanafunzi mkoani Rukwa.

Rais Magufuli ambaye yupo ziarani mkoani Rukwa amesema kwa takwimu alizonazo, kulikuwa na wanafunzi 229 waliopata mimba mkoani humo mwaka jana pekee.

Read more...

TGNP YAMTUNUKIA EDDA SANGA TUZO YA HESHIMA

Mkurugenzi wa Chama Cha Wanahabari Wanawake (TAMWA) aliyemaliza muda wake, Edda Sanga, amepewa tuzo ya heshima ikiwa ni sehemu ya kutambua mchango wake katika Asasi za kiraia. Tuzo hiyo imetolewa leo na Mtandao wa Jinsia Tanzania(TGNP), wakati wa tamasha la 14 la Jinsia. 

“Nimefurahi kupokea tuzo hiyo nawashukuru sana na kuwapongeza pia wale ambao wameona nimestahili kupokea tuzo hiyo,” Amesema Edda Sanga. Pia amewataka wengine waliopata tuzo hiyo kuendeleza mapambano ya kumkomboa mtoto wa kike, kumlinda na kumpa haki yake.

TAMWA tunampongeza Edda Sanga kwa kutwaa tuzo hii adhimu na pia tunawapongeza TGNP Mtandao kwa kuona umuhimu wa kuandaa tuzo hizi.

Read more...

VIONGOZI TAMWA WATEMBELEA VYOMBO VYA HABARI

Mwandishi Wetu, TAMWA

Dar es Salaam. Viongozi wapya wa Chama cha Wanahabari Wanawake Tanzania (TAMWA) wamefanya ziara katika vyombo vya habari jijini Dar es Salaam kwa ajili ya kujitambulisha.

 Viongozi hao, Mkurugenzi wa TAMWA, Rose Reuben na Mwenyekiti wa chama hicho, Joyce Shebe walitembelea vyombo vya habari kumi ikiwa ni awamu ya kwanza ya ziara hiyo.

Miongoni mwa vyombo vya habari vilivyotembelewa na viongozi hao wa TAMWA ni pamoja na Tumaini Media, Upendo Media, Radio Maria ,Star TV, Channel Ten, EFM Radio, Times FM Radio, Azam Media na kampuni  ya magazeti ya  Mwananchi Communication na The Citizen  na New  Habari Co-operation.

Shebe alisema lengo la ziara hiyo ni viongozi hao wapya wa TAMWA kujitambulisha kwa vyombo vya Habari ili kuimarisha uhusiano, kuhamasisha waandishi wanawake kujiunga na chama hicho cha kitaaluma.

“Ongezeko la wanachama wapya ndani ya TAMWA litawasaidia kunufaika na nafasi za kitaaluma kupata mikopo ya kujiendeleza na masomo ya elimu ya juu kama Shahada na kuhudhuria makongamano ya kitaaluma, fursa za mafunzo ya kitaalum,”alisema Shebe

Kwa upande wake, Mkurugenzi wa TAMWA, Rose Reuben alipongeza jitihada za baadhi ya vyombo vya habari katika kutunga sera za  kuimarisha usawa wa kijinsia  na kutoa nafasi za uongozi kwenye  vyombo vyao.

 Kadhalika viongozi hao walipongeza jitihada za baadhi ya vyombo vya habari katika kutunga sera za kuimarisha usawa wa kijinsia kwenye nafasi mbalimbali za uongozi ndani ya vyumba vya habari.

TAMWA ni shirikisho lisilo la kiserikali lililoanzishwa  miaka 31 iliyopita kwa lengo la kutetea haki na ustawi wa wanawake na watoto kupitia vyombo vya habari.

Vigezo vya kujiunga na TAMWA ni pamoja na kuwa mwanamke mwanahabari, shahada ya mawasiliano ya umma au ya habari na uzoefu wa kazi ya uandishi wa miaka mitatu.

Katika ziara hiyo TAMWA imekutana na kuzungumza na viongozi wa vyombo  vya habari  kama  wakurugenzi na wahariri wakuu, na kujifunza mambo mengi yanayoendelea ndani ya vyumba vya habari nchini.

 

Read more...

VISITORS COUNTER

3185648
Today
Yesterday
This Week
This Month
Last Month
All days
9014
9275
38817
208256
211237
3185648

Your IP: 46.229.168.144
2019-10-23 21:13

OUR VIDEOS

FOLLOW US ON FACEBOOK

FOLLOW US ON TWITTER