Chama cha Wanahabari Wanawake nchini – TAMWA kinaungana na mashirika mengine yanayopinga vitendo vya ukatili wa kijinsia na kutetea haki za binadamu leo tarehe 6 Februari, 2018,  kuadhimisha siku ya Kimataifa ya kupinga ukeketaji duniani.

 Maadhimisho haya yanaenda sambamba na kauli mbiu ya “Kufanya kazi pamoja kuongeza nguvu ya kumaliza Ukeketaji katika Kizazi Kipya” ambayo inaitaka jamii kushirikiana pamoja kupinga vitendo vya ukatili wa kijinsia kwa wanawake na watoto ukiwemo ukeketaji.

 

 Kwa mujibu wa utafiti wa Afya ya Uzazi na Mtoto (TDHS-MIS) mwaka 2015-16, umeeleza kuwa mwanamke mmoja kati ya kumi amekeketwa ambapo aina ya ukeketaji maarufu ni ile ya kukata nyama na kuiondoa kwa asilimia 81 licha ya elimu ya madhara ya ukeketaji kutolewa kwa jamii.

 Utafiti huo umebaini kuwa, uelewe kuhusiana na ukeketaji unaongezeka kadri  kiwango cha elimu kinavyoongezeka kutoka asilimia 71 ya wanawake  wasiokuwa na elimu hadi kufikia asilimia 97 ya wenye elimu ya sekondari na zaidi. Aidha, utafiti huo umebaini kuwa kiwango cha wanawake wenye umri kati ya miaka 15-29 waliokeketwa kimepungua kutoka asilimia 18 mwaka 1996 hadi asilimia 10 kwaka 2015.

 TAMWA inaamini kuwa ukeketaji unaweza kuisha endapo jamii itapata elimu endelevu ya kuondokana na mila kandamizi kwakua zinakiuka haki za binadamu na kudhoofisha afya za wasichana na wanawake kwa kutokwa damu nyingi kwa wanaokeketwa  na hadi kusababisha kifo, madhara ambayo hurudisha nyuma juhudi za kimaendeleo ya familia.

 Aidha TAMWA inaamini kuwa endapo vyombo vya habari vitaendelea kutoa elimu ya kuondoa ukeketaji, itasaidia kupunguza ukatili huo kwani vina nguvu katika kuleta mabadiliko ya jamii ikiwemo kuondokana na ukeketaji na aina zote za ukatili wa kijinsia.

 Edda Sanga

 

Mkurugenzi Mtendaji.

VISITORS COUNTER

1491065
Today
Yesterday
This Week
Last Week
This Month
Last Month
All days
285
329
2213
39529
9449
12013
1491065

Your IP: 54.221.17.234
2018-02-22 16:59

OUR VIDEOS

FOLLOW US ON FACEBOOK

FOLLOW US ON TWITTER