Chama cha Wanahabari Wanawake nchini – TAMWA leo, kinaungana na mashirika yote nchini yanayotetea haki za binadamu hasa wanawake na watoto ulimwenguni kusherekea siku ya wanawake duniani ambayo huadhimishwa tarehe 8 mwezi Machi kila mwaka.

 Maadhimisho haya yanabeba kauli mbiu ya kitaifa inayosema  “Wakati ni sasa: Wanaharakati Mijini na Vijijini kubadilisha maisha ya wanawake”, ambayo inatutaka wote tushirikiane kikamilifu kubadilisha maisha ya wanawake kwa kuondokana na ukatili wa kijinsia ili kupanua wigo wa fursa za usawa kiuchumi kwa wanawake.

TAMWA leo kwa kushirikiana na mgeni rasmi Mbunge Anjelina Malembeka katika maadhimisho hayo inafanya Kongamano lenye lengo la kuwaleta pamoja wadau kutoka katika Wilaya ya Ilala na Kinondoni Kata ya Kitunda eneo la uwanja wa Lukolo Annex Florida, kuanzia saa 4:00 Asubuhi hadi saa 7: 00 Mchana ambapo watajadili na kupanga mikakati ya pamoja ya kutokomeza ukatili wa kijinsia.

 Kwa mujibu wa takwimu za Jeshi la polisi nchini, makosa ya ubakaji na kunajisi yaliyoripotiwa yameongezeka kutoka 6,985 Novemba mwaka 2016  mpaka 7,460 mwaka 2017, ukatili ambao unawakumba hasa wanawake na watoto na kuzorotesha ukuaji wa maendeleo kiuchumi kwani jamii inatumia muda mwingi katika kufuatilia kesi za ukatili wa kijinsia badala ya kufanya shughuli za maendeleo ya kuinua uchumi. 

 

Maadhimisho ya Siku ya Wanawake Duniani yana lengo la kuwezesha jamii kupima utekelezaji wa maazimio, matamko, mikataba na itifaki mbalimbali za Kimataifa, kikanda  na kitaifa zinazohusu masuala ya maendeleo ya jinsia na wanawake katika kuhakikisha haki za wanawake kiuchumi, kijamii, na kisiasa zinapatikana na zinalidwa.

 

Edda Sanga,

Mkurugenzi Mtendaji

VISITORS COUNTER

1536307
Today
Yesterday
This Week
Last Week
This Month
Last Month
All days
493
1150
3163
83489
10303
11230
1536307

Your IP: 54.162.165.158
2018-06-21 13:57

OUR VIDEOS

FOLLOW US ON FACEBOOK

FOLLOW US ON TWITTER