Zaidi ya Wanachama 150 wa Chama cha Wanahabari Wanawake nchini- TAMWA, Jumamosi tarehe 14th April, 2018 wanafanya Mkutano Mkuu wa mwaka 2017 ambapo pamoja na mambo mengine, wanachama watapata fursa ya  kutathmini kazi zilizofanyika mwaka 2017, na utekelezaji wa mpango mkakati wa 2018-2019.

 

Mkutano huo utakaoanza saa 2:00 Asubuhi katika ofisi za chama zilizoko Sinza Mori, Dar es Salaam, utatanguliwa na mafunzo siku ya Ijumaa tarehe 13th April mwaka huu ambapo Afisa Mwandamizi Maudhui ambaye pia ni mjumbe wa Bodi ya TAMWA na miongoni mwa wanamke wa kwanza kupiga picha za Luninga Tanzania Bi Raziah Mwawanga atapata fursa ya kueleza jinsi Wakfu wa Vyombo vya Habari (Tanzania Media Foundation-TMF) ilivyowajengea uwezo wanahabari wanawake kuboresha taaluma yao na kuandika habari zinazoleta uwajibikaji katika jamii kwa kuzingatia jinsia , pamoja na kupokea maoni ya wananchama wa TAMWA juu ya uboreshaji wa mpango mkakati wa TMF ujao.

 Baada ya majadiliano hayo kutoka TMF, mmoja wa waasisi wa TAMWA ambaye ni Mkurugenzi Mkazi, Mradi wa Uzazi wa Mpango Johns Hopkins, Kitengo cha mpango wa Mawasiliano Dar es Salaam, Bi Halima Shariff atazungumzia nafasi ya mwanamke katika taaluma ya habari pamoja na kujadili jinsi ambavyo  mitandao ya kijamii inapunguza au kuendeleza ukatili na unyanyaswaji wa kijinsia hapa nchini.

 Majadiliano hayo aidha yatatoa fursa kwa TAMWA na TMF kujenga nguvu ya pamoja katika kuwajengea uwezo wanahabari wanawake kitaaluma hasa katika kuandika habari za kuelimisha jamii juu ya madhara ya ukatili wa kijinsia na jinsi yanavyozorotesha maendeleo ya kiuchumi na kijamii kwa familia na taifa zima.   

 Mkutano mkuu wa TAMWA ni wa 30 tangu kuanzishwa chama hicho na  ndicho chombo cha juu chenye mamlaka ya kurekebisha katiba yake, kuingiza wanachama wapya, kuchagua viongozi, kupitisha ripoti za mwaka na kutoa maamuzi kuhusu mipango na mikakati ya chama kuhusu utetezi.

Edda Sanga,

Mkurugenzi Mtendaji

VISITORS COUNTER

1522985
Today
Yesterday
This Week
Last Week
This Month
Last Month
All days
103
343
1825
72237
8211
9678
1522985

Your IP: 54.80.68.137
2018-05-24 04:19

OUR VIDEOS

FOLLOW US ON FACEBOOK

FOLLOW US ON TWITTER