Friday, 24 November 2017 12:36

TAMWA KUADHIMISHA SIKU 16 ZA KUPINGA UKATILI WA KIJINSIA

Written by 
Rate this item
(0 votes)

Chama cha Wanahabari Wanawake nchini- TAMWA kinaungana na mashirika mengine yanayopinga ukatili wa kijinsia na kutetea haki za binadamu kuzindua maadhimisho ya siku 16 za kupinga ukatili wa kijinsia.

 Uzinduzi wa maadhimisho hayo yataanza kesho tarehe 25 Novemba na kufikia kilele tarehe 10 Desemba, 2017. Kauli mbiu ya maadhimisho ya mwaka huu ni “Funguka!  Ukatili Dhidi ya Wanawake na Watoto Haumuachi Mtu Salama. CHUKUA HATUA”, kauli mbiu hii inatukumbusha wote wazazi, walezi, ndugu, jamaa na jamii kwa ujumla kushirikiana na serikali kuvitolea taarifa na kuvichukulia hatua stahiki vitendo vya ukatili wa kijinsia kwa wanawake na hasa watoto wa kike ambao wanakumbana na vishawishi na vizuizi ambavyo aghlab husababisha ndoto zao kutotekelezeka.

 TAMWA kupitia kitengo chake cha Usuluhishi cha CRC, kimebaini kuwa ukatili wa kijinsia hasa ubakaji umeongezeka kwa watoto kwani katika kipindi cha miezi minane  kuanzia Mwezi Januari hadi Augusti mwaka 2016 kesi zilizohudumiwa katika kituo hicho zilikuwa ni 9 wakati kwa kipindi kama hicho hicho mwaka huu 2017 vitendo vimeongezeka na kufikia 57 kwa vigezo vyovyote vile, ukatili unatisha.

 Taarifa ya tathimini ya utendaji kazi ya Kituo cha One Stop Centre cha Hospitali ya Amana, Dar es Salaam imeonesha kiwango cha ubakaji kwa mwaka huu kiko juu kwa idadi ya watoto 141 walio chini ya umri wa miaka 18 ukilinganisha na idadi ya watu wazima 27.

Aidha taarifa hiyo imeonyesha kuwa kuanzia Julai 2016 hadi Juni 2017 wanawake 168 walibakwa. Kituo hicho pia kimehudumia jumla ya waathirika 420 ambapo kati ya hao watoto ni 316 sawa na asilimia 75 na watu wazima ni 104 sawa na asilimia 25 ya ukatili wa kijinsia.

 Taarifa hiyo aidha imeonyesha kuwa idadi ya waliolawitiwa na kuripoti katika kituo hicho ni 44 sawa na asilimia 10.47 kati ya hao watoto ni 39 ukilinganisha na watu wazima ambao ni 5 kwa mwaka. Hali hii ya ukatili iko juu sana kwani watoto waliofanyiwa vitendo hivi wana uwezekano mkubwa wa kuwafanyia wengine katika kipindi cha makuzi yao.

 TAMWA inaamini kuwa jukumu la ulinzi na malezi bora kwa watoto ni la jamii nzima wakiwemo marafiki, wazazi, ndugu, walezi, majirani na viongozi tukishirikiana na serikali kuboresha na kusimamia utekelezaji wa sera na kubadilisha sheria kandamizi ili wahusika wa ukatili huu hasa kwa watoto wa kike wawajibishwe kwa mujibu wa sheria. 

 Siku 16 za kupinga ukatili wa Kijinsia ni kampeni  ya Kimataifa  inayoongozwa na Kituo cha Kimataifa cha wanawake katika uongozi tangu mwaka 1991 kutokana na mauaji ya kinyama ya kina dada wa Mirabelle yaliyofanyika nchini Dominica mwaka 1960. Mwaka 1991 Umoja wa Mataifa (UN) ulichagua Novemba 25 iwe siku ya Kimataifa ya Kupinga Ukatili wa Kijinsia ambapo kilele chake huadhimishwa Desemba 10 ya kila mwaka.

 

 Edda Sanga

Mkurugenzi Mtendaji

Read 27353 times Last modified on Friday, 24 November 2017 12:38

1674 comments

  • Comment Link Denita Tokich Friday, 28 February 2020 20:04 posted by Denita Tokich

    Heya! I just wanted to ask if you ever have any issues with hackers? My last blog (wordpress) was hacked and I ended up losing many months of hard work due to no data backup. Do you have any methods to protect against hackers?|

  • Comment Link Milan Belmore Friday, 28 February 2020 15:32 posted by Milan Belmore

    Hello, Neat post. There is an issue with your website in web explorer, would check this? IE still is the marketplace leader and a huge section of other folks will miss your wonderful writing due to this problem.|

  • Comment Link Carroll Tumbaga Friday, 28 February 2020 15:27 posted by Carroll Tumbaga

    Very energetic article, I liked that a lot. Will there be a part 2?|

Leave a comment

Make sure you enter the (*) required information where indicated. HTML code is not allowed.

VISITORS COUNTER

5239706
Today
Yesterday
This Week
This Month
Last Month
All days
12603
15992
91357
135769
272312
5239706

Your IP: 46.229.168.143
2020-07-11 19:37

OUR VIDEOS

FOLLOW US ON FACEBOOK

FOLLOW US ON TWITTER